CR7 : Juventus sinah thla 4 chung thlahlawh kaa lak lai loh; ka bawmh hna lai

Tulio Coronavirus ruangah vawlei cung bawlung puai zong an Cancel ngai hna i; Europe hi a bik in Cancel chungmi an si. Serie A zuamnak zong Cancel asi nain thlahlawh cu caan hman tein an pek hna.

 

Juventus hmaikal Ronaldo cu Italy chuah tak chungin a chuah semnak Portugal ah a chungkhar he caan an hman lio asi. Hringtu a nu zong a zawtnak in a dam cang i; nuam ngaiin caan an hman lio asi.

 

Ronaldo hi Serie A le Juventus ah thlahlawh tambik mi player asi. Virus ruangah Juventus Club nih an hmuh dingmi phaisa a um ti lo caah Ronaldo nih a thlahlawh cu lak a duh loh.

 

 

Ronaldo nih March, April, May le June thla chung a thlahlawh cu lak lo dingin Juventus club a bawm hna lai tiah BCC Sport nih a langhter. Juventus zong nih lawmhnak an langhter.