Hohmanh nih hrawh khawh ti lo dingmi Ronaldo Record pa 5

Cristiano Ronaldo cu pumpululh zaanglek celhnak ah zohchuntlak le upat tlak zaanglek a si nak cu a tuahsernak in tu le tu a langhter pengmi asi.  Cucaah tutan langhter kan duh mi cu pumpululh zaanglek celhnak ah zeibantuk zaanglek hmanh nih hrawh khawh lo dingmi Ronaldo record (5) hna cu;

 

1. Real Madrid Club caah goal tambik a thun khomi zaanglek – goal 450

Ronaldo cu Real Madric caah kum 9 chung a rak i celh mi a si. Puai 438 a rak i zuam i goal 450 tiang a thun kho mi a si. Ronaldo hlan Real Madrid club caah goal thun tambik cu Raul a si i puai 741 a zuam i goal 323 tiang a thun kho mi a si. Ronaldo cu Raul nak in goal 127 in a tam deuh mi zong a si.

 

 

2. Champions League season pakhat ah goal thun tambik zaanglek – goal 17

2013-14 season hlan ah Champions League season pakhat ah goal thun tambik zaanglek cu Eltafani (1962-63) le Messi(2011-12) nih goal 14 in a tambik an rak si. Sihmanhseh 2013-14 season kum ah Ronaldo cu Real Madrid caah Season pakhat ah UCL goal 17 tiang a thun kho mi zong a si.

3. European ram i national team caah European goal thuntambik zaanglek – goal 99

Cristiano Ronaldo cu Portugal team caah puai 154 tiang a zuam mi a si i goal 99 tiang a thun kho mi a si. Ronaldo i a chang tu ah Spain hmaikal hlun a si mi David Villa a si i goal 59 tiang a thun kho mi a si.

 

4. Season (7) pehtlai in Champions League ah goal (10) in a cunglei a thun kho mi zaanglek

Ronaldo cu Champions League ah a thabik in a cawlcang kho pengmi zaanglek a si nak cu Champions League season (5) chung ah Champions League sil voi 4 tiang a thlir khawhnak nih a langhter. Cucaah Real Madrid caah Season 7 chung goal (10) in a cung lei tiang pehtlai tein goal a thun khawhnak cu khuaruah har a si lem lo.Champions League tuanbia zong ah Ronaldo dah ti lo cun zeibantuk zaanglek hmanh nih season (2) chung ah goal 10 in a cunglei tiang a thun kho mi zaanglek an um rih lo tiah theih a si.

 

 

5. European League zuamnak vial telak ah season 6 chung ah a tlawmbik goal 50 a thun kho mi zaanglek

Lionel Messi cu Kumkhat chung Barcelona caah goal 91 tiang a thun kho mi zaanglek a si i season pakhat chung ah goal 73 tiang a thun kho mi zong a si. Sihmanh seh Messi cu Season 3 tiang lawng pehtlai tein a tlawmbik goal 50 tiang lawng a thun khawh tiah theih a si. Ronaldo tu cu 2010-11 season in 2015-16 season chung ah goal 53, goal 60, goal 51, goal 61, goal 51 tiang a thunkhawh pin ah puai 313 ah goal 331 tiang a thun kho mi zaanglek a si.
Cucaah season pakhat chung ah goal 50 tiang thun khawh ding cu zei bantuk zaanglek paoh nih an i harh khun mi zong a si. Sihmanh seh Ronaldo tu nih cun season 6 chung pehtlai tein a tuah khawh cu khuaruahhar a si ko.