Yangon Chief Minister Phyo Min Thein cu NLD nih ralrinnak an pek

31 May 2020

 

Tuni May 31 ah NLD CEC Meeting cu Nay Pyi Taw ah tuah asi. Yangon Chief Minister Phyo Min Thein zong CEC Member asi caah a kai ve. May 24 ah Phyo Min Thein hruainak in Yangon ah biaknak puai tuah a rak si. President Zung nih May 31 tiang biaknak puai tuah lo dingin zulhphung an rak chuahmi asi.

 

 

 

Yangon Chief Minister Phyo Min Thein cu Social Media ah soisel len asi. Tuni NLD CEC Meeting tuahnak ah Phyo Min Thein cu ralrinnak pek asi.

 

 

President Zung nih an chuahmi zulhphung cu zulh dingin ralrin an pekmi asi. Nain, Phyo Min Thein nih zulhphung ka buarmi a um loh tiah a chim.

 

 

Yangon Cozah hruainak in tuahmi biaknak puai hi fianternak an tuah lai i; a herh ning in upa hna nih tuanvo an lak lai tiah President zung biachimnak nawl ngeitu Zaw Htay nih a chim.