US thimnak ah Joe Biden nih teinak hmu seh tiin Xi Jinping duhnak asi lai tiin zumh asi

Xi Jinping hi a nunchung paoh China President tuan dingmi asi.

China hi vawlei cungah nawl ngeihnak ngampi ngei dingin aa zuam liomi ram thawng ngaimi pakhat asi. Asia zongah ram thawng bik asi i; vawlei cung ah US bantukin nawl ngeihnak a kawl lio mi ram zong asi.

 

(Joe Biden le Xi an rak i ton lio hmanthlak)

 

Xi Jinping nih China hi Communist Uknak in a hruai nain sipauzi belte Democracy Uknak in a hruai lio asi.

 

US President thimnak ah Xi Jinping duhnak aa fiangmi pakhat cu China thanchonak a pe kho dingmi President asi. Republican Party in Trump le Democratic Party in Biden hi US President aa zuam ding an si i; Xi Jinping duhnak cu aa fiang ngai ko.

 

 

Donald Trump nih US a hruainak ah China thanchonak ah don khan tu a tuah lengmang. Virus hnu ah Trump nih China pehtlaihnak hmanh hrawh dih a rak duh. Cucaah, Xi Jinping nih US thimnak ah Joe Biden hi teinak hmu seh ti a duh kho mi asi.