Malaysia ah France mipi million leng thah khawhnak caan tha kan ngei tiin Maharthir nih Muslim kongah bialehnak a tuah

Muslim biaknak kongah France President Emmanuel Macron biachimmi kongah Malaysia Prime Minister hlun Maharthir nih Twitter in bialehnak an tuah. Maharthir bialehnak cu buainak fak tuk in a chuak dingasi caah Twitter nih an Delete piak than.

 

 

“France ah ralhrang an chuaknak hi Muslim biaknak in aa thokmi ansi” tiin President Emmanuel Macron nih a rak chim. France, Nice Biak Inn ah ralhrang hna nih minung pa 2 an thah caah a chim hi asi.

 

Muslim ram asi mi Malaysia nih President Emmanuel Macron chimmi cu an cohlang kho loh. Cucaah, Malaysia Prime Minister hlun Maharthir nih Twitter in bialehnak a tuah.

 

“Malaysia ah France mipi hi Million leng dantatnak pek i; thah khawhnak caan tha kan rak ngei nain kan that hna loh” tiin a leh. Malaysia Prime Minister hlun Maharthir bialehnak cu Twitter zulhphung a buar caah an delete piak.

 

DM