Ngan Damnak Caah A Man Fawi Bik Mi “Ti”

Ngan Damnak Caah A Man Fawi Bik Mi “Ti”

Ti cu vawlei pumpi i kan thlarau bantuk a si.Thlai kheu hmanh ti tlamtling in a dawpmi le ti a chambau mi cu an i dang tuk.Ti nih kan takpum dih lak nawn ah rian a tuan. A thatnak cu chim cawk lo. Cucaah ti din cu zei bantuk, zei tluk in dah a that ti hal len chim lennak in ding hmasa law a thatnak cu na takpum nih a tep ko lai ( Na din hnu ah a thatnak kong cu kan tial ti te lai mu ).

Ti din ningcang hi a phunphun a um. Kum le khing rih ning rup in tuaknak calculator le formula hna an um. Nain lai tuak in tuah khawhmi lawng ka tial chung lai. Kan takpum in a chuak mi ti le kan takpum in kan ngahmi ti zeitindah khat le khat kan rualter (Replacement Balance) lai timi kan zoh hmasa lai.
Minung hi buak tlakin nikhat ah 1 liter le cheu tluk zun in a chuak. 1 Liter cu 4.23 hrai he ai tluk (US tahfung). Cucaah Hrai (6) tluk kan ti lai cu. Kan pawpi ril chung, kan thlan, kan thawchuah mi in 1 liter tluk a dih. Kan ei mi rawl in 20% tluk ti kan ngah. Cucaah nikhat ah hrai (8)-2 litre tluk ti kan din piak mi nih ai rolh than ti nak a si.

“Minung pakhat nih nikhat ah zeizat dah ti kan din lai”? timi bia halnak cu a fawi tuk nain leh awk a har taktak mi a si. Zeicatiah ai hngatmi thil a tam pi. Bianabia ah-a al tam deuh ei mi, naute hnuk a dinh lio mi, chungtlik, taksat lio tbt cu ti tam deuh a herh. Khua caan kih le lum, zu ding mi, eidin mi ah protein,fibre,a thlum dat tbt tuaktan a herh caah mah tein i theih ve a hau. Buak tlakin tuak ning cu nikhat ah-
Kum (5-8) karlak cu hrai 5 tluk
Kum (9-12) karlak cu hrai 7 tluk
Kum (13 cung) si ahcun hrai 8-10
Nau Pawi Lio- Hrai 10

 

Chapmi: Cawlcangh (movement) a tlawm mi si ahcun nikhat ah hrai 8-12 kar lak, Cun cawlcangh a tam i thlan hna a ngah mi caah cun hrai 12-16 karlak din piak ah a tha.

Chap Chin mi: Mayo Clinic nih cun nu nih nikhat ah 11.5 hrai a din ah a tha i pa nih cun 15.5 hrai din ah a tha a ti. An hlatlai i an hmuh mi ai khat cio lo nain an i thlau hna lo. Ka carel tu vialte nih a takin pehzulh tein nan din ding hi ka saduhthah a si. Cun din tikah voikhat hrai tamtuk siloin a caan hlat deuh in din piak ah a tha. Credit: Dr. Pari

Be the first to comment

Leave a Reply

Your email address will not be published.


*