President Trump nih Joe Biden sinah zaangfahnak le dawtnak a langhter

November 30

 

US Presiden-elect Joe Biden cu zarh zeimawzat chung walking boot aa hruk a hau lai tiah amah doctor Dr. Kevin O’Connor nih a chim. Joe Biden cu a uico he an i dai nak ah a nal sual i a orhlei ke a lai ruh pahnih ah samfang tia in a kakmi pahnih a lang tiah Dr. Kevin nih a chim.

A hmasa ah X-ray in an chek nain zeihmanh a langh lo caah, CT scan an tuah hnu lawngah a lang.

Minung hi kumkhua a upat deuh tikah ruh kah hi a fawi deuh chin lengmang ve tiah Dr. pawl nih an chim tawn.

Joe Biden aa hlaimnak cu President Trump nih ” Get Well soon” tiin a dawtnak a langhter.

 

November 3 US thimnak tuah hnu ah President Trump cu Media pawl he tha tein pehtlaihnak a ngei ti loh. November 29 ah Fox News he biaruahnak a ngei kho. Thimnak dih hnu ah avoi khatnak bik Media he Interview a ngeih asi. Fox News he minutes 45 chung biaruahnak an ngei kho.

Fox News he Interview tuahnak ah President Trump nih FBI le DOJ a lunghrinhnak a chim. Joe Biden le Democratic kut tang asi mi FBI le DOJ nih thimnak ah hlennak an tuah lai ka zumh tiin Trump nih a chim.

“Joe Biden nih 2020 thimnak ah Popular Vote 80Million a hmuhmi hi asi kho loh. Obama hmanh nih 80million a hmu bal loh. 2008 thimnak ah Obama nih 69million in teinak a rak hmuh; 2012 thimnak ah 66 Million in teinak a rak hmuh than. 2020 thimnak ah Joe Biden nih 80 million hmuhmi hi asi kho loh; hlennak bak asi” tiah President Trump nih a chim.

 

Obama nak in Joe Biden nih 20million Vote a hmuhmi hi asi kho loh. US thimnak ah hi bantuk hlennak aum caah sunghnak ka cohlan khawh lonak asi ti zong President Trump nih a chim.