Tuni (December 31) hi Covid-19 kumkhat tlinnak asi cang

December 31

Meikangh bantukin a kangmi Covid-19 zawtnak cu kum khat a tling cang. Tuni December 31 hi kum khat a tlinnak ni asi. Kumkhat chungah Virus hrik ngeimi dih lak hi 83million ansi i; minung 1.8million an thi cang.

 

 

2019 December 8 ah Virus hrik hi China, Wuhan ah rak hmuh asi nain December 31 ah China Cozah nih phung ning tein vawlei cung ah theihternak a rak tuah. Covid hi minung sinah chawnh khawhmi zawtnak asi tiin China nih phung ning tein thawng a rak thanh.

 

2019 March thla tiangah Virus hi Myanmar a phan rih lo nain March thla dih lai (23) ah US in a rak tlungmi Tedim pa sin in Virus hmuh a rak si ve. Nain, tha tein control asi.

 

Second Wave hi August 15 ah Rakhine ramkulh, Sittwe in a chuak than. Tuni December 31 tiangah pehtlaiin Virus ngei an karh lio asi. Tuni tiangah Myanmar ah Virus hrik ngeimi hi Ting 1 le thong 20 leng ansi cang.