Ralkap an sungh khawhnak phun 7

Ralkap an sungh khawhnak phun 7

(Ralkap an sung lai i; Hluttaw ah 25% an i lak kho ti lai loh; Ministry pa 3 an i lak kho ti lai loh)

#Military_Coup_Must_Fail_2021

2021 February 1 ah ralkap nih uknak an lakmi hi a sung kho mi ansi. Myanmar President Office (Democracy) cu February 4 ah State Administration Council tiin ralkap nih an thlen. Ralkap nih State Administration Council in Myanmar hruai dingin aa zuam lio asi. Nain, President Office tiin thlen than khawhnak lam aum.

1. Ralkap uknak lakmi hi Unofficial asi caah ramleng pehtlaihnak vialte hi CRPH sinah asi lai tiin CRPH nih UN le ramdang cozah sinah theihternak an tuah. Ralkap uknak lakmi hi ka doh peng lai tiin CRPH nih Hluttaw Speaker thimnak zong an tuah lai. (CRPH timi cu 2020 thimnak ah teinak a hmu MP hna nih Cozah sernak caah an tuahmi bu ansi).
___________________________________________

2. Gen. Min Aung Hlaing thim tharmi Union Election Commission nih 2020 thimnak result hi hlathlainak an tuah colh. Ralkap nih NLD thimmi UEC an zumh lo caah uknak an laknak asi caah ralkap thimmi UEC nih 2020 thimnak result hi a hman ko ti ahcun ralkap caah ruahchannak a tlawm cang.

3. NLD Party nih UN le Ramdang Cozah sinah bawmhnak a halmi cu ” Ralkap uknak lakmi hi 2008 Phunghrampi buar buin tuahmi asi caah theih pi hna hlah uh; mipi duh thimnak in Vote pekmi 2020 thimnak result ning tein kan kal khawhnak dingah kan bawm uh” tiin an nawl hna. NLD Party nawlnak hi UN le Ramdang Cozah tampi nih an cohlan lai zumh asi.

 

4. Ralkap a dirkamh tawnmi China le Rusia nih ralkap an dirpi lonak cu UNSC Statement chuahmi in theih khawh asi. Ralkap sualphawtnak cu UNSC nih Statement a chuah cang i; ralkap nih phung buar buin thil pakhat khat a tuah sual ahcun an kah khawh cang.

5. US le Japan hruainak in ralkap dohnak le ralkap pawl dantatnak pek cio dingin ramdang Cozah sinah thawngthanhnak an tuah. Cucaah, US, Europe le ramdang cozah hna nih ralkap sualphawtnak le dantatnak an pek zau hna lai.

6. Ralkap dohnak langhternak hi ramchung le ramleng ah fak ngaiin an cawlcangh caah 2016 lioah Turkey ralkap an sungh bantukin sungh khawh ansi. Social Media a rak um hlan ahcun ralkap nih uknak an lak tawn nain Social Media um hnu ahcun fawi tein ralkap nih uknak lak lo khawh asi.

7. Civil Disobedience ruangah ralkap nih Cozah thar fawi tein a tuah kho lai loh. Ralkap a dohmi an tam tuk caah ralkap caah Cozah thar tuah ding hi a har ngai. Civil Disobedience tuah ruangah rian phuah tongmi an um sual ahcun NLD Cozah nih rian a pek than hna lai i; upat nak zong a pek chih hna lai. Credit