Myanmar buainak ah mipi teinak an hmuh lai tiah UN nih Myanmar palai an thlahmi Tom Andrews nih a chim

March 1

Myanmar buainak ah mipi teinak an hmuh lai tiah UN nih Myanmar palai an thlahmi Tom Andrews nih RFA Interview tuahnak ah a chim. UN nih Tom Andrews hi Myanmar ah palai an thlahmi asi i; mipi dirkamh in bia a chim pengmi si.

 

Tutan Myanmar buainak kongah Tom Andrews nih RFA Interview tuahnak ah a chimmi cu;

” Kawl ralkap le police nih mipi an hremmi vialte hi sualphawt sawhsawh lawng a za loh. Pakhat khatkhat tuah a herh cang. Myanmar mipi hi an lung aa rual tuk cang; a donghnak ah teinak an hmuh hrimhrim lai” tiah a chim.

 

” Myanmar buainak le hmailei ah a chuak dingmi ka zoh  tikah mipi nih an teinak lam a tam deuh. Ralkap nih teinak an hmuh lai tiin a chimmi an um ahcun ka zuamcawh ngam hna” ti zong a chim.