Thihdar: Hakha ah tilio nak in Moses a nunnak a liam

March 24

2021 March 24: Chin Ramkulh Hakha, Khuahlun thlanglei ah Cozah nih an ser mi Haithlan ti lionak (Swimming Pool) ah ti aa liomi Pa Moses cu ti aa lionak ah a nunnak a liam.

Hi kong he pehtlai in Haithlam ti lionak a hngakmi pakhat nih, “An nupa in ti lionak ah an ra. Ti aa lio i tlawmpal hrawng ah a tla. Pe sarih in pe riat kar ah aa lio i a rak chuak ti lo. Ti a tlak lio ah an nu zong a pawng ah a um. Thawng an kan thanh i kan kal ahcun a rak thi cang. Cun, kei hi chuncaw ka ei kar ah a si. Thawngpang theih le cangka in pawngkam minung nih an zuanhnawh colh. Thawng an thanh hi ti a tlak hnu suimilaam pakhat fai ah a si,” tiah a chim.

 

Ti lionak in a nunnak a liammi Pa Moses hi Hakha Keitheibo sang ah khua a sa mi a si. Nupi a ngeihnak zong zaan hnih lawng a si rih tiah kan theih.

Haithla tilionak hi Cozah tangka in 2016 kum ah an rak sermi a si i, Myanmar ram ah COVID-19 a chuah hnu ti lio ngah lo tiah nawl an rak chuah mi a si. The Hakha Post