Bank ah phaisa aa chiahmi nih theih bak ding

2021 May 1

Central Bank of Myanmar nih nizaan a chuahmi ca cu
Account ngeih ko lio ah a thar rak i on uh law cash in cash chuah khawh a si an ti mi cu
Ngeihmi nupi hmanh tih tuk lio ah Nupi thar thitter tluk a si…..an ti..

May ni 3 ah bank account on in cash rak pu uh law nan duh tik ah cash na chuah khawh a ti mi cu..

Bar ah kal i beer hraikhat cah i credit card in pek ahcun minit pakhat chung ah a um lo mi phaisa ser a si. Nifa minung tampi nih credit card hi hman a si i a um lo mi phaisa ser peng a si.

Cu ti cun credit card le digital phaisa a chuah hnu ahcun tangka hi a fang taktak in a tlawm tuk i vawlei cung i a rumbik USA hmanh hi a ngeihmi phaisa dih lak zapi 254 trillions dollar ah cash in a ngeih mi hi 2.01 trillions dollar a si. Vawlei cung ram kip ah phaisa fang in ram kip nih a ngeih mi hi zatuak in 8 to 10% hrawnglawng an si. Tahchunhnak ah sing 1 ah tangka fang in cun thonghra deng lawng a ngei tik nak a si. Vawlei cung ram kip zatuak in tuakmi

Bank cu phaisa sernak a si lo i mipi nih an zumh lawng ah phaisa an chiah. Trust industry phung a si caah Bank ah phaisa a chiahmi nih zumhnak a tlau i phaisa an chuah cio ah cun bankrupt a cang colh lai tinak a si i.


Ram nih chuahmi phaisa kha sipuazi ah tunmer a si tik ah tangka fang kha a khon i a hnu ahcun tangka fang kha A biapi ti lo i mobile banking, credit in digital money in hire purchase ti bantuk in tahchunhnak ah credit card hman paohpaoh ahcun a um lo mi phaisa kha thlichung ah ser kha a si. Credit card in dawr ah thil cawk ahcun leiba ser kha a si. Ti duhnak cu a um lo mi phaisa ser kha a si. Ramkhel boruak in mipi in uknak zumh lo in phaisa chuah cio ah cun bank cu an hrawk dih ko lai. Kawlram i bank lawng a si lo, US maw Swiss bank pawl hmanh hi chuah cio ahcun a bankrupt ko an pur ko lai. Purh timi cu tluk kha si lem lo in operation/function ti lo, rian a tuan ti lo ahcun purh a si ko.

Tangka a rial chap hman ah kyat billion thong khat rial hmanh seh law milu nuai 55 nih cun sing 2 cio hmanh tin a si rih hnga lo. Hlan lio chan bantuk si ti lo in cdm nak in private sector a tlak hi economic recession in depression in stagflation in crisis tiang cang ahcun ram a tlakter tu a si, ram uknak a donghter. Cu chinchap ah internet a phih tik ah mobile data in mobile banking zong a ngah lo tik ah SME pawl hi cu an rawk pah dih.

Bank nih ngeimi zakhat ah sawmkua leng cu a min men in tangka lawng a si phaisa fang hi cu fang hra hrawng lawng a si tik ah ram uktu le pawlisi cung ah zumhnak a um lo i chuah cio ah cun a rawk bak. Tangka a chiahmi paoh nih an chuah sual lai tiah an phan caah bank pawl an phih hi a si. A rawk kho men ko.

Ne Win chan lio ah kutlam le arfi zoh in pa 9 le pa 5 a zumh tik ah 90 le 45 ca, 15, 25, 35, 75 ca pawl a rial i a chuah tik ah ramchung ah tangka a tam tuk i inflation a rak kai tuk tik ah ram chung thilman pawl tihbahnung in a kai tik ah tuah awk theih ti lo in 1987 Sep ah tangka pawl a tah dih ciamam i mipi kut chung i a ummi phaisa cu catlak bantuk sawhsawh man ngei lo ah a chuah i 1987 ah rampi buainak a chuah pi, cu nih peh zulh in 88 a chuahter chap.

Hi hi kan zoh tik ah minung pakhat nih sullam ngei lo in a tuahmi thil kha “A khamh khomi system” tha a um lo caah a si. Tangka lei wungyi pa nih khan a phung a si lo, a si kho lo, ram a rawk lai, inflation a cang lai, sullam ngei lo tiah rak doh ngam seh law a khamh khawh lai. Chim duhmi cu ram kip uknak tampi zong ah a dotdot in control tuahmi system kha an buar lo, an al an doh ngam caah sullam ngei lo mi thil a cang lo. Ram tampi ahcun sullam ngei lo mi kha an doh ngam. NeWin kut tang i tuanmi wungyi pawl nih an al ngam lo caah ram an hrawh. Phung an buar, a dotdot in control mi ningcang (sanit) timi system kha an buar, mitchinh bu in an pah chih.
A biapi mi cu system hi a si, doh ngam zong a herh!

crd#