Dalan ruang ah Hluttaw Kuzale pakhat telh in minung 5 an thi

Bago Ramtthen ah CDM a lutmi Police 4 le NLD Hluttaw Kuzale Thet Win Hlaing le dum hngak tu an dihlak minung 5 cu Bomb nih a puah hnawh hna i an thi.

 

Ralkap nih tlaih ding in an kawl caah Thet Win Khine hi CDM a tuahmi Police minung 4 he dum pakhat ah an i thup. An lak ah Police pakhat cu a thli tein Ralkap sin ah a kal tthan.

 

 

 

Ralkap sin a kal an thei lo i hmun dang ah a zam rua tiah an ruah. Cu police pa nihcun thil pakhat a vankuat hna i zeidah asi hnga tiah an van On i Bomb a rak si.

 

A puah hnawh hna i a hmun ah an thi colh. An lak ah a luatmi pakhat a um nain a kut pahnih in a bul. Thih bawh in Sizung ah an thlop lio.

 

 

Ref.  RFA